Increíble pero certo! A recentemente peonalizada Rúa do Teatro deixou a todos boquiabertos por un pequeno detalle, contra todo pronóstico (algo que ninguén o viu vir), converteuse na rúa peonil con máis tráfico do mundo.
Si, o que algúns pensaban que sería un idílico paseo para disfrutar dun entorno libre de coches e ruidos, resultou ser moqueta para os neumáticos dos vehículos. Semella que ninguén imaxinou que os habitantes da cidade seguirían chegando en coche ao que non deixa de ser o centro financeiro e administrativo da cidade, en vez de optar por un agradable paseo.
Nas previsións daqueles que deberían telo visto, esta situación non entraba. É, sen lugar a dúbidas, un clásico exemplo de «o que pides en Aliexpress vs o que chega «. Eles soñaban con elegancia e estilo; o que lles chegou por mensaxería foi un sopapo de realidade nun cartón rebentado.
¿Quen imaxinaba que peonalizar a vía que da acceso a varios aparcamentos públicos, con capacidade para centos de vehículos, podería ter este desenlace?. Alguén, con todo o cariño, debería preguntarlle aos responsables desta brillante idea se, antes de lanzarse a xogar aos urbanistas, tomaron a molestia de encargar un mínimo estudo de tráfico. Un deses estudos aburridos onde se miran cousiñas como cantos coches entran, cantos saen e, quizais, cantos se quedan atrapados no caos.
Para poder disfrutar da experiencia completa, aínda faltan por poñer os bancos nos que sentarse a respirar os fumes, un par de macetas baleiras e as terrazas invasoras que tan ben agarran neste clima.
